Visite de Stéphane Le Foll : satisfaction mesurée du monde agricole corse
(A redazzioni d'Alta Frequenza) - Pà a prima parti, hè fattu ! Eccu ciò ch'ellu si ritinarà, à mezu à i punti i più impurtanti, di a visita annant'à u tarrenu di u ministru di l'Agricultura. Stéphane Le Foll hè ghjuntu à custatà da par ellu chì l'agricultura corsa, è soprattuttu u so carattaru agrupasturali, ùn era micca calcosa di virtuali fattu pà fà mova i brami mediatichi parighjini contr'à i corsi. A famosa storia di i tarri chì poni riceva aiuti aurupei, chì hà vistu a Corsica tocca da un marosulu di millioni d'auri grazia à un ritrattu satellitu, hè daretu à noi oramai, ciò chì faci propiu piacè à a raprisintazioni agricula. Hè chjara chì tuttu ùn hè micca arrigulatu parchì ci voli à difiniscia sempri i mezi tennichi chì ani da parmetta di fà i cuntrolli è sparta bè l'aiuti, ma s'hè francatu un passu impurtanti, com'ellu a ci dici Ghjaseppu Colombani, u presidenti di a Camara righjunali d'agricultura.
Steti à senta à Ghjaseppu Colombani.
