Visite en Corse de la ministre de l'Education : débat très intéressant avec les lycéens
Visite en Corse de la ministre de l'Education : débat très intéressant avec les lycéens
(A redazzioni d'Alta Frequenza) - Visita in Corsica oghji (marti) di a ministra di l'Educazioni naziunali. Una visita di dopu Charlie chì hà purtatu Najat Vallaud-Belkacem à u liceu Letizia Bonaparte d'Aiacciu. Aldilà di u protocollu è di u scontru cù l'insignanti è i raprisintanti di a cumunità educativa, c'hè statu un dibattitu assai intarissanti trà a ministra è i liceani. Libertà, Ugualità, Fraternità, ma dinò lotta contr'à l'oscurantisimu o a presa in contu di a parolla liceana sò stati in cori à i discussioni. Duranti ssi discussioni, pussibilità di suluzioni sò stati arricati da l'elevi pà pudè luttà contr'à l'inugualità par asempiu. Amintavani corsi di filusufia nanzi à a terminali, l'amparera di u fattu rilighjosu ind'a scola laica o ancu un postu di primura pà l'arti è a cultura. Hè statu fattu dinò certi volti un custatu amaru, com'è s'è i nuzioni amintati più sopra erani solu un'utupia, è chì a rialtà di tutti i ghjorni di i zitelli era assai di più difficiuli. Dopu à ssu scambiu, a ministra s'hè fatta rimetta un esemplariu di u ghjurnali di u liceu publicatu ghjustu dopu à l'attentati parighjini annant'à a libertà di sprissioni.
Mariam hè a capiredattrici di ssu ghjurnali.
Sur le même sujet
