Visite en Corse de Stéphane Le Foll : les critiques du monde agricole
(A redazzioni d'Alta Frequenza) - Chì sarà u postu di l'agricultura isulana ind'u quadru di a PAC, a pulitica agricula cumuna, in piena fasa di ridifinizioni ? A dumanda hè stata trattata stamani (ghjovi) in prifettura di Corsica à l'uccasioni di a visita di u ministru di l'Agricultura, di l'Agroalimentariu è di a Furesta. Cù i più alti rispunsevuli pulitichi, cunsulari è agriculi di l'isula, Stéphane Le Foll hè ghjuntu à dì tutta l'attinzioni di u guvernu nant'à issa quistioni. I punti forti, ma dinò quilli debbuli di l'agricultura isulana sò stati ammintati, è què, mentri chì a famosa PAC hè in traccia d'essa riscritta è ridifinita pà inghjochi novi. I critichi di u mondu agriculu inveci sò stati più pricisi. A FDSEA di Corsica Suprana, par asempiu, s'hè inchietata di u fattu chì u ministru stessu paria cunnoscia mancu appena u cartulari. Annunzia un gattivu affari ?
Écoutez Joseph Colombani.
