Visite en Corse du directeur général de la sécurité civile et de la gestion de crise
(A redazzioni d'Alta Frequenza) - U direttori ghjinirali di a securità civili è di a gistioni di crisa, Jean-Paul Kihl hè in visita in Corsica dipoi arimani (marcuri). Dopu à Bastia è intratteni cù parsunali cumpetenti è eletti lucali, iss'ultimu hà fattu un'arretta in Aiacciu stamani, ind'a caserna di i spinghjifochi par essa più pricisu, cù u prifettu di Corsica, da scuntrà ci i sfarenti squadri di succorsi, ma dinò quilli incaricati di a lotta contr'à i fochi, è più particularmenti i fochi di furesta. Jean-Paul Kihl hà vulsutu felicità l'insemi di u dispusitivu chì à parè soiu, hà agitu di manera esemplari duranti tutta a statina, cù una privenzioni forti è una capacità à riagiscia di prima trinca. Par asempiu in Corsica Suttana, dipoi u 1a di ghjinnaghju, 223 fochi si sò dichjarati è ani distruttu 161 ettari, mentri chì dipoi u 1a di lugliu, sò stati censati 81 sinistri nant'à u dipartimentu pà 61,9 ettari di brusgiati. L'uccasioni dinò pà Jean-Paul Kihl di parlà di modu più largu di i mezi di lotta ingaghjati à u nivellu naziunali, è d'incalcà nant'à a so impurtanza maiò.
Écoutez le directeur général de la sécurité civile et de la gestion de crise.
Sur le même sujet
