Visite en Corse du ministre de la formation professionnelle
(A redazzioni d'Alta Frequenza) - Issu marti, Thierry Repentin, ministru dilegatu di a furmazioni prufessiunali è di l'amparera, era in visita in Corsica. Quissu quì hà scuntratu frà altru à ghjovani, furmatori è impiecanti ind'i lochi di a missioni lucali di Bastia, è n'hà apprufittatu pà firmà cù l'impiecanti è i ghjovani cuncirnati i quattru primi cuntratti d'avvena in Corsica. Issi cuntratti d'avvena sò à l'ingrossu una formula nova di l'impiechi ghjovani di calchì annu fà. Cunsacrati à i 16/25 anni, cumportani, ed hè un affari novu, una partita di furmazioni ubligatoria. Quissi quì durani trà unu è trè anni è toccani i ghjovani in zona sfavurizata avendu pocu è micca qualificazioni è tutti l'impiecanti micca marcanti, calchì volta in difficultà pà truvà candidati à i posti pruposti. U ministru n'hà apprufittatu dinò pà annunzià stamani ch'ella hè stata posta a prima petra di un centru di furmazioni cunsacratu à i mistieri liati à l'energii di rinnovu, cù quaranti alloghji pà i studienti, un insemi di ottu millioni d'auri finanziatu à mità da u statu. Un prulungamentu di i misuri ministiriali di iss'ultimi ghjorni ?
On écoute Thierry Repentin.
Sur le même sujet
