Visite et annonces de Bernard Cazeneuve : le compte n'y est pas selon Gilles Simeoni
(A redazzioni d'Alta Frequenza) - U gruppu Femu A Corsica s'hè spressu in duettu, dopu à l'annunzi di u ministru di l'Internu, Bernard Cazeneuve, in visita in Corsica oghji (vennari). Gilles Simeoni è Ghjuvan Cristofanu Angelini ani vulsutu fà passà un missaghju chjaru à u ministru. Ùn si tratta più oghji di un prublema d'ordini tennicu o urganisaziunali, ma bè di una quistioni d'ordini puliticu. È nisun suluzioni pulitica pudarà essa arricata à u populu corsu senza cambià a Custituzioni. Emi fattu a nostra parti di strada, ani dittu quissi quì, intarrughendu à tempu à Bernard Cazeneuve annant'à a risposta pulitica di u Statu. Una risposta chì ùn avarà micca suddisfatu pà daveru u gruppu Femu A Corsica. Ùn c'hè micca u contu, eccu com'ellu hè riassuntu tuttu u pinsà di Gilles Simeoni.
U stemi à senta.
