Vol à main armée à Ajaccio
(A redazzioni d'Alta Frequenza) - Arrubbecciu armatu arimani (vennari) in principiu di sirata à u magazenu Kiabi d'Aiacciu. Un omu s'hè fà rimetta u cuntinutu di i casci, sottu à a minaccia di un'arma, appena nanzi à a sarratura. Nimu hè statu feritu, ma i parsoni prisenti sò stati toccu di modu psicologicu. L'omu hè dopu ripartutu, soca, à pedi, sicondu à a prifettura di Corsica Suttana. Ghjustu dopu, un perimetru di ricerca hè statu missu in ballu, ma in vanu. U sciffru di soldi arrubbati ùn hè ancu statu evaluatu.
Sur le même sujet
