Vol inaugural Corse-Charleroi-Bruxelles Sud : un pont entre l'île et la Belgique
(A redazzioni d'Alta Frequenza) - Un ponti trà a Corsica è a Belgica ! Un scopu chì hà da essa riisciutu dopu u prima bulu ssa dumenica trà l’isula è l’aeruportu di Charleroi-Bruxelles Sud. Partendu da Aiacciu è da Bastia, a cumpagnia Air Corsica sarà in anda pà ssa prima annata fin’è a mità di u mesi di nuvembri, nanzi una crescita pà i dui altri annati è sbuccà nant’à un’annualisazioni di a distinazioni à partasi d’aprili di u 2019. Pà u 2017, in tempu di basa, dui viaghji à simana è par aeruportu sò privisti ; ci ni sarà novi mentri a staghjoni alta, vali à dì duranti u mesi di lugliu. Un marcatu dinamicu trà l’isula è a Belgica, postu chì u trafficu aereu trà i dui tarritorii hè statu multiplicatu da più di cinqui in deci anni ; a Belgica chì era in u 2015 pà a Corsica a siconda distinazioni internaziunali daretu a Sguizzara. Un’apartura di linea chì rallegra assai i rispunsevuli di Vallunia, in a perspettiva di scambii pulitichi, ecunomichi, suciali, culturali è di sicuru turistichi più forti.
Steti à senta à René Collin, ministru vallonu di l’Agricultura, di a Natura, di a Ruralità, di u Turisimu è di l’Aeruporti.
