Le Direct

Vote des trois délibérations sur le projet PADDUC : réaction de Maria Giudicelli

(A redazzioni d'Alta Frequenza) - 35, 6, 4, 6 : sò i sciffri impurtanti di u votu di stamani, appena nanzi à dui ori, chì ani datu u ritimu di u dibattitu annant'à u prughjettu di PADDUC chì manda ssu cartulari oramai davanti à l'inchiesta publica. Dopu à quissa quì, à capu di un mesi, o ancu di dui, ssu PADDUC vultarà davanti à l'assemblea di Corsica pà pudè essa vutatu, s'ellu hè u casu, un'ultima volta. Dopu à u ritiru di u PADDUC prisintatu da l'anziana squadra dirighjenti di a CTC, a Corsica t'avarà infini, è dopu à guasgi 30 anni, un ducumentu di prugrammazioni chì hà da difiniscia un sviluppu ecunomicu, suciali è culturali chjaru. U dibattitu di stanotti ùn hè micca statu pà daveru un remake di quillu di u 31 d'uttrovi. In fatti, di vaghjimi, u prughjettu di PADDUC avia racoltu 38 voti, è si custata oghji una piccula perdita. Malgradu tuttu, Maria Giudicelli hà percepitu ssu votu cù una suddisfazioni maiò. Parchì ? Eccu a nostra dumanda à a cunsighjera esecutiva.

Steti à senta à Maria Giudicelli.