Vote du budget primitif CTC : de grosses dissensions à gauche
(A redazzioni d'Alta Frequenza) - Un tarramottu puliticu ! Hè cusì chì Pierre Chaubon avaria qualificatu u ricusu in fin di simana scorsa di u bughjettu primitivu di a Cullittività tarrituriali di Corsica. Pierre Chaubon stima in fatti ch'ellu ùn avaria micca avutu sensu di fà cascà un bughjettu à novi mesi solu di a cullittività unica. U gruppu Prima a Corsica hè schjattatu cù putenza di pettu à parechji attualità. Ottu prima, solu trè oghji : l'anzianu gruppu maghjuritariu di Paul Giacobbi hè riduttu à più pudè. In fatti, dipoi a partenza di Delphine Orsoni è Antoine Ottavi da u gruppu, u votu di u bughjettu hà misu in risaltu spiccanzi novi. Pierre Chaubon, Marie Thérèse Olivesi è Marie France Bartoli si sò scantati da u gruppu Giacobbi, postu ch'ellu ùn ani micca vutatu contr'à u bughjettu primitivu ; parchì ?
Eccu ciò ch'emi dumandatu à Pierre Chaubon.
