Vote du budget primitif de la CTC : la droite n'a pas "joué collectif"
(A redazzioni d'Alta Frequenza) - L'Assemblea di Corsica hà aduttatu a settimana scorsa u so bughjettu primitivu pà l'annu 2013, un bughjettu di 1 milliardu 200 millioni d'auri, ricetti è spesi liati. U votu di u bughjettu, si sà, hè l'attu maiò di una cullettività parchì disgrazia à a squadra dirighjenti chì ùn riesci micca iss'eserciziu d'equilibriu, è ùn si tratta micca solu d'equilibriu di bughjettu. Hè in fatti à iss'uccasioni quì ch'ellu si pò leghja à u meghju u ghjocu puliticu. È u ghjocu puliticu, da u cantu di l'uppusizioni liberali, movi assai postu chì torna una volta i cunsighjeri di diritta ani straziatu pà metta si d'accordu. Anne Marie Natali, Antoine Sindali è Jean Jacques Panunzi ani dicisu di scantà si da u gruppu è di ùn prununzià si micca nant'à u votu di u bughjettu. Ottu cunsighjeri aviani dicisu in fatti di vutà contr'à u raportu di Paul Giacobbi, è issu votu fattu di disparità hà missu particularmenti in zerga à Ange Santini; infini quissu quì hà dicisu di ùn participà micca à u votu. Quandu ci hè una squadra, si devi ghjucà di manera cullettiva ! Hè ciò ch'ellu hà dittu l'anzianu presidenti di l'Esecutivu chì hà dittu dinò chì iss'affari t'avarà cunsiquenzi.
Écoutez Ange Santini.
