Vote du statut de co-officialité de la langue corse: la réaction de Paul Giacobbi
(A redazzioni d'Alta Frequenza) - Hè cù i sciaccamanati di un'assemblea di Corsica arritta è l'abbracciati è i basgi di i sfarenti gruppi pulitichi chì u longu dibattitu nant'à u novu statutu di a lingua corsa s'hè compiu. Vennari u 17 di maghju, 8 ori di sera passati, Grand Hôtel è Continental, locu di a Cullettività di Corisa: U ventu di a storia pari avè vulsutu suffià nant'à l'istituzioni è di colpu nant'à a Corsica sana. 36 voti à prò, ma soprattuttu nisunu contru, ani chjosu dui ghjorni di un dibattitu difficiuli chì pudaria avè cunsiquenzi impurtantissimi nant'à l'avvena di a lingua corsa è aldilà di a Corsica in ghjinirali. Un affari chì ùn si pudia micca pinsà calchì mesi fà: a maghjurità di Paul Giacobbi, inde tutta a so diversità, hè riisciuta à uttena un accunsentu assai largu nant'à una quistioni chì hà diranghjatu duranti un pezzu in Corsica: A lingua di issu paesi t'hà o micca i listessi diritti cà a lingua ufficiali u francesi? Dipoi arisera, a risposta hè Iè parchì l'Assemblea di Corsica pari avè riisciutu a scumessa di scartà infini a paura di u blucchimi custituziunali. Sicura, a strada sarà sempri longa pà riescia veramenti à salvà a lingua corsa. Eppuru, issa strada hà cunnsciutu arisera una tappa impurtanti è inveci d'entra ind'u carattaru assai tennicu di un cartulari difficiuli, ci hè parsu meghju di fà vi scumparta l'emuzioni prisenti à l'Assemblea di Corsica.
Ecoutez Paul Giacobbi, président de l'Exécutif de Corse.
