Vote pour une solution politique globale pour la Corse: le tour de force réussi de Paul Giacobbi
(A redazzioni d'Alta Frequenza) - Hè una vera scummessa ch'ellu hà rializatu arimani (ghjovi) à l'Assemblea di Corsica Paul Giacobbi. 48 voti à prò, nisunu contru, pà un testu chì faci un gennaru di bilanciu di a mandatura è chì includi di una manera assai chjara a nuzioni d'annistia, ùn avariami mai cridutu què pussibuli torna arimani nanzi à u principiu di ssu dibattitu. In fatti, s'ellu era à u principiu una simplici dichjarazioni sullena di u presidenti di l'Esecutivu, u discorsu di Paul Giacobbi s'hè trasfurmatu in deliberazioni chì s'hè compia cù un votu guasgi à l'unanimità. "Matignon II", a parolla hè stata lampata eppo ripresa bè vulinteri da Jean Charles Orsucci, u presidenti di u gruppu di a maghjurità tarrituriali. Paul Giacobbi, pà contu soiu, ùn hà micca vulsutu ripighjà ssu tarmini tali è quali ; eppuru, hà ricunnisciutu chì u votu d'arimani apria una via di dialogu nova cù u guvernu. Ancu s'è arimani dopu meziornu, ùn si trattava micca di u ghjornu u più impurtanti di a storia di a Corsica, ciò chì s'hè passatu t'hà quantunqua un certu carattaru storicu. A parolla hè stata prununziata da u presidenti di l'Esecutivu è emi racoltu a so riazzioni dopu à ssu votu impurtanti.
Steti à senta à Paul Giacobbi.
