Vote sur la coofficialité de la langue corse: l'avis de Jean-Baptiste Luccioni
(A redazzioni d'Alta Frequenza) - Seguita è fini, par avà, parchì u dibattitu cumencia solu, nant'à u votu qualificatu di storicu vennari scorsu da l'assemblea di Corsica. 36 cunsighjeri tarrituriali, rammintemu la, ani dittu di sì à issu testu chì firmarà com'è fundatori ind'a lotta longa è difficiuli pà a salvezza di a lingua corsa. Si pò dunqua fà unori à i cunsighjeri di l'Assemblea di Corsica chì ani avutu u curaghju puliticu di misurà si à un testu ch'ellu ùn scumpartini micca. L'alittori ghjudicarani forsa l'altri, quilli chì ùn ani avutu mancu appena issu curaghju di fà valè i so ideii ghjunghjendu à difenda li davanti à l'assemblea, dunqua davanti à u populu. Si pò fà unori dunqua à François Tatti è à Jean Jacques Panunzi chì, cù a so cuntradizzioni, ani arricchitu u dibattitu. Marie Antoinette Santoni Brunelli hà forsa avutu una pusizioni ancu di più curaghjosa parchì hè andata à l'incontru di a so famighja pulitica. U gruppu di Simon Renucci hè statu assai attivu inde issu dibattitu difficiuli, di pettu frà altru à u numaru d'amendamenti fatti è posti cù altri gruppi.
Ecoutez Jean-Baptiste Luccioni, président du groupe Corse Social Démocrate.
Sur le même sujet
