Vote sur la protection du patrimoine foncier: Joseph Colombani a assisté au débat
(A redazzioni d'Alta Frequenza) - Ùn diciaremi micca chì tuttu hè difinitivu, ma in tutti i casi u votu hè acquistatu. 29 voti sò dunqua andati à prò di u raportu rilativu à a prutezzioni di u patrimoniu fundariu cù daretu à què di sicuru u famosu statutu di residenti. Un votu menu forti di pettu à quillu di calchì mesi fà chì avia racoltu 46 voti annant'à un antru prughjettu ambiziosu : a scrizzioni di a Corsica ind'a Custituzioni. Rammintemi chì a diritta ùn hè micca stata unita pà ssu votu, 3 di i so cunsighjeri ùn ani micca datu u so parè, chì u fronti di manca è a manca republicana ani vutatu contru è chì i gruppi naziunalisti uniti ani datu à Paul Giacobbi a maghjurità nicissaria. Ùn vultaremi micca annant'à u fundamentu stessu di un dibattitu difficiuli è suventi assai tennicu pà intarissà ci à una riazzioni ch'è no pudariami qualificà di citadina. Joseph Colombani hà suvitatu tuttu ssu dibattitu longu; l'emi dumandatu parchì.
Steti à senta u presidenti di a Camara Righjunali d'Agricultura.
Sur le même sujet
