Xylella Fastidiosa: adaptation des mesures d’introduction et de circulation des végétaux en Corse
(A redazzioni d'Alta Frequenza) - U prifettu di Corsica hà dicisu d’adattà i misuri d’intruduzzioni è di circulazioni di i vegetali in Corsica, par via di a Xylella Fastidiosa. L’intruduzzioni dirugatoria di vegetali inde l’isula da i prufiziunali pò ripighjà dunqua. Ma, ogni prufiziunali duvarà essa in misura di ditarminà a destinazioni d’ogni vegetali spicificatu vindutu à un particulari o à un antru prufiziunali. Tuttu pighjendu in contu u fattu chì u situ auturizatu à fà circulà vegetali rispundessi à criterii serii, parmittendu à l’amministrazioni di dichjarallu mancu appena toccu da u batteriu. Ssi misuri dumandani par asempiu, annant’à u situ è u so ambienti u più vicinu, una spizzioni ufficiali, a pussibilità di prilevamentu è un seguitu fitosanitariu siveru. L’affari devi pighjà in contu dinò a missa in ballu di misuri di tracciabilità nanzi è dopu à i venditi à i prufiziunali è à i particulari. Inveci, i deci vegetali ditti « osti », riputati sinsibuli à a sottu spezia multiplex di a Xylella Fastidiosa, ùn pudarani avè derugazioni.
Sur le même sujet
