Xylella Fastidiosa : le point sur la lutte en Corse-du-Sud
(A redazzioni d'Alta Frequenza) - Ssu vennari, un bilanciu nova di a lotta contr'à a Xylella Fastidiosa hè statu prisintatu da a prifittura di Corsica. L'investigazioni rializati ogni ghjornu ani parmissu d'identificà 15 zoni novi, vali dì chì ci n'hè oramai in tuttu 56, tutti in Corsica Suttana. Da un'antra banda, u laburatoriu naziunali di rifarenza pà a ricerca di u batteriu hà trovu a sottu spezia multiplex di a Xylella Fastidiosa annant'à quattru falsi ghjinestri di Spagna (veda u ritrattu). Ssi ghjinestri infettati è dui pianti novi di polygala tocchi ghjunghjini da u listessu pepinieristu. Fora di u polygala cù fogli di murta è ssi falsi ghjinestri di Spagna, tutti l'altri risultati sò negativi, par asempiu cuncirnendu l'alifoghju rosulu, l'alivu è u prunus, mentri ch'ella cuntinueghja l'inchiesta epidemiologica. Pà i servizi cumpetenti, l'ipotesi di una cuntaminazioni vetturiali, vali à dì di una trasmissioni lucali di u batteriu da insetti di una pianta ver di un'antra, saria pocu prubabili.
Sur le même sujet
