Xylella Fastidiosa : les inquiétudes de la Corse enfin audibles pour Paris ?
(A redazzioni d'Alta Frequenza) - A Xylella Fastidiosa, u batteriu chì tomba par asempiu l'alivi, hè in Francia, hè ufficiali oramai. Hè statu identificatu pà a prima volta in una piantina di un arburu à caffè trovu in u marcatu di Rungis, u prima marcatu di grossu aurupeu, vicinu à Parighji, hà annunziatu marcuri u ministeru di l'Agricultura. Ssi piantini sò stati intrudutti da l'Ollanda inde l'Unioni aurupea, è ghjunghjariani d'America Cintrali, priciseghja dinò ss'ultimu. A Xylella Fastidiosa, chì sterpa parechji spezii vegetali in i Pugli, in u meziornu di l'Italia dipoi dui anni, cumencia à inchietà a Francia. In Corsica, hè più di un annu chì ssa minaccia hè cunsidarata d'una manera seria, di pettu à a vicinanza cù a parti suttana di l'Italia, è u cullittivu Xylella Fastidiosa, cù ss'evenimentu ricenti, lampa una chjama torna più forti, prima chì ssu dannu ghjunghjissi annant'à l'isula. Postu chì a minaccia ùn cuncerna più solu a Corsica, l’inchietudini chì ricollani da quissa quì sarani bè intesi infini in Parighji ?
Steti à senta à Jean Louis Luciani, u presidenti di l’uffiziu di sviluppu agriculu di a Corsica.
Sur le même sujet
