Xylella Fastidiosa : un premier cas découvert en Haute-Corse
(A redazzioni d'Alta Frequenza) - In un cumunicatu, u prifettu di Corsica faci sapè chì a prisenza di u batteriu Xylella Fastidiosa hè stata scuparta pà a prima volta in Corsica Suprana, annant'à una pianta di polygala cù fogli di murta, annant'à a cumuna di Furiani, dopu à analisi. I misuri pà luttà contr'à u batteriu sò ingaghjati subbitu da a Direzzioni dipartimintali di a cuesioni suciali è di a prutezzioni di i pupulazioni di Corsica Suprana è a FREDON di Corsica, arrimbendusi à i misuri presi inde l'arrestatu prifitturali di u 10 d'aostu di u 2015 chì difiniscini i misuri di lotta chì s'appiegani contr'à a Xylella Fastidiosa. Una zona delimitata cù dui specifichi nentru hè stata missa in ballu : una zona infettata di un raghju di 100 m inghjiru à a pianta cuntaminata è un'antra zona di un raghju di 10 chilometri inghjiru à a pianta cuntaminata. U risultatu di st'investigazioni faci chì sò oramai 57 casi in tuttu chì sò stati scuparti in Corsica.
Sur le même sujet
