Zoom sur le rôle de la délégation spéciale pour Ajaccio
(A redazzioni d'Alta Frequenza) - "Ùn semi micca quì pà fighjulà i sturnelli passà". Eccu l'infrasata d'André Valat, racolta à l'uccasioni di a cunfarenza di stampa data da a dilegazioni spiciali pà Aiacciu dopu avè presu i so funzioni. L'anzianu presidenti di a Camara righjunali di i Conti è u so suppleenti Paul Andreani ani ricivutu a cumpetenza di cuurdinazioni generali di a dilegazioni. Paul Andreani, chì cunnosci strabè tutti ssi sughjetti, hà da cuntrullà u bughjettu, i finanzi, i marcati publichi è i risorzi umani, tuttu què pà i dilegazioni i più impurtanti. A dilegazioni spiciali pà Aiacciu hà dunqua presu i cumandi di a Casa Cumuna pà incaricassi di a gistioni, è solu di a gistioni di l'istituzioni cumunali. Cumpetenza è vigilenza sarani i dui caratteristichi essenziali di ss'alti funziunari di u Statu scelti da u prifettu di Corsica pà pudè assicurà u funziunamentu bonu di l'istituzioni municipali.
Steti à senta à André Valat, chì ci prisenta u rollu esattu di a so missioni.
Sur le même sujet
