Fièvre hémorragique de Crimée-Congo : les recommandations de l'ARS
Dopu à l’articulu isciutu in u ghjurnali « Le Point », è chì mintuvaia ch’iddu era statu scupartu in Corsica « u siscu di a frebba sangunosa di Crimea - Congo », l’ARS lla Corsica hà vulsutu dà calchì pricisioni par ciò chì tocca à i risichi di malatii purtati da i zicchi.
Sò parichji anni ch’idda hè cunnisciuta a prisenza d’issu siscu ind’è i vaccini corsi.
A nuvità, hè d’avè lu trovu oramai in i zicchi, chì u poni tandu trasmetta à l’omu.
U siscu issendu statu signalatu in quattru righjoni, trà i quali a Corsica, sò stati cuntattati l’Agenza Naziunali lla Sicurità Sanitaria è l’Altu Cunsigliu di a Saluta Publica, chì ani datu un avvisu.
In issu cuntestu, l’ARS ramenta ciò ch’iddu ci voli à fà par puteghja si da i zicchi, chì trasmettini tanti malatii, trà i quali quidda di Lyme.
Andendu in furesta, in a machja, o ancu passendu una stunda in l’ortu, ci vurria à purtà scarpi chjusi è panni chì fasciani bè, è di culor’chjaru par pudè ci veda casu mai i zicchi.
Ùn ci vurria tantu à viaghjà in l’arba alta, i lamaghji è i vitti bassi : meddu saria à dà u favori à i chjassi signalati, è à virificà tuttu vultendu da calchì spassighjata o da l’ortu.
Infini, par casu chì vo’ sichiti punti, cacceti subitu a zicca cù una pinza minori senza metta pruduttu micca, è pinseti à disinfittà a piaga.
Sur le même sujet
