Flamme olympique à Porto-Vecchio le 14 mai : le programme a été dévoilé
Photo : Cità di Portivechju
A municipalità di Portivechju hà prisintatu u prugrama di u passaghju lla fiara ulimpica in a cumuna, u 14 di maghju.
Accesa à nantu à u situ anticu d’Ulimpia u 16 d’aprili, a fiara hà da attaccà u so viaghju à nantu à a navi à veli « Belem », chì hà da ghjunghja in Marseglia l’ottu di maghju.
In Portivechju, a fiara hà da parta u 14 di maghju à trè ori è quartu da a scola Joseph Pietri, è hè privista par ghjunghja piazza llu Quartieri.
Parichji ritrovi spurtivi si farani in a cità, sustinuti da l’OMS : a novi ori è quartu, a matina, in prisenza di i scoli primarii di i paesa à torru, di l’UPPSI è di i culleghja Léon Boujot è Maria de Peretti, u passaghju di a Fiara si farà à u stadiu Claude Papi.
À deci ori cuminciarani, à u stadiu sempri, l’attelli missi in anda da l’associ spurtivi è l’animatori di a Dirizzioni di a Ghjuvantù è di i Sport.
À un’ora è mezu, iss’attelli s’ani da dispiazzà in i scoli Joseph Pietri, Marie è Toussaint Marcellesi è Santa Divota.
L’affissi primiati pà u cuncursu avviatu calchì mesi fà sò stati publicati, è avarani u so premiu issu 14 di maghju.
Sur le même sujet
