Football (Ligue 2) - Le SC Bastia fait un grand pas vers le maintien en s'imposant à Guingamp (0-1)
Fermani sempri cinqui ghjurnati à fà in issu campiunatu di siconda divisioni, ma andendu à vincia unu à zeru in Guingamp, u SC Bastia hà sicurizatu a so situazioni .
Dopu essa stati supranati un pocu da i lucali, i bastiacci ani sappiutu ripiddà fiatu è purtà u piriculu in l’arghja di riparu brittona. Dopu à 26 minuti di ghjocu, ripiddendu un calciu d’angulu, Dramé mittia di capu a biscica in a cabbia di Basilio.
Missu issu marcu, Bastia hà sappiutu risista à l’assalti di Guingamp, è si hà ancu buscu calchì uccasioni.
Com’è a sittimana passata in Bordeaux, l’omini di Michel Moretti sò andati à circà issa vittoria cù u cori, contru à issa squadra chì marchi ùn n’avia presu pà i quattru scontri passati.
Cù issi dui vittorii fora è quidda busca contru à Laval, u SC Bastia ricodda à a tredicesima piazza è hà guasgi assicuratu a so piazza in siconda divisioni.
Sur le même sujet
