La CGT lance un vaste appel contre la disparition des services postaux en Corse
(A redazzioni d'Alta Frequenza) - I servizi pustali in Corsica minacciati di spariscia ! Un'infrasata ch'ellu si senti dipoi un certu tempu dighjà, è chì hè stata prununziata torna stamani (marti) da i rispunsevuli di a CGT di Corsica Suttana. Duranti una cunfarenza di stampa, ani dinunziatu "a distruzzioni di u serviziu publicu pustali" è i so sarraturi di scagni, soprattuttu ind'u rurali, i ristrutturazioni è dunqua i suppressioni d'impieghi. Pà a CGT, A Posta si voli trasfurmà in un'intrapresa di servizi è ghjuvassi di i so fattori pà missioni chì ùn sò micca i soi pà difinizioni com'è rilevà i cuntori di gaz è d'elettricità, fà u ghjiru di i casi pà pristazioni altri o ancu venda prudutti d'assicuranza, tuttu què in una ricerca sclusiva di prufitti finanziari. U sindicatu lampa oghji una chjama à a pupulazioni ma soprattuttu à l'eletti parchì d'appressu à ellu, u prublema hè puliticu prima di tuttu.
Steti à senta à Jean Marie Mattei, u secretariu dipartimintali CGT A Posta è Telecumunicazioni.
