La réforme institutionnelle au centre des Ghjurnate Internaziunali di Corti ce week-end
(A redazzioni d'Alta Frequenza) - A situazioni pulitica internaziunali di i populi in lotta è quilla di a Corsica sarani torna una volta à u centru di i tradiziunali Ghjurnate Internaziunali di Corti, chì sò urganizati ssa dumenicata. Mumentu puliticu di trinca di l'istati o ancu di l'annu ind'è noi, quissi quì adunisciarani parechji dilegazioni internaziunali, cù à u prugrammu frà altru cunfarenzi è dibattiti, cù unu cintrali : quillu nant'à a riforma istituziunali à l'assembla di Corsica, cù un raportu chì sarà prisintatu è duvarà essa vutatu da l'eletti à a fin di u mesi di sittembri. L'annu scorsu, ed era a prima volta, parsunalità pulitichi numarosi di tutti i currenti di l'isula erani sottu à u tindoni curtinesi pà parlà cù una voci sola nant'à i cartulari maiò di l'avvena di a Corsica. Quist'annu torna, certi ani rispostu à a chjama di Corsica Libera, chì urganizeghja a manifestazioni, è micca l'ultimi postu chì sò par asempiu quilli chì portani ssi famosi cartulari : Pierre Chaubon, Maria Giudicelli o ancu Pierre Ghionga pà u latu lingua corsa. Di pettu à u Statu chì pari essa sempri cioncu nant'à i dumandi di l'eletti corsi, u scopu sarà torna una volta di crià un accunsentu largu, mittendu da cantu i sfarenzi diversi.
Écoutez Josepha Giacometti, pour Corsica Libera.
