Municipales d'Ajaccio : François Casasoprana place l'éducation au centre de ses priorités
(A redazzioni d'Alta Frequenza) - Municipali d'Aiacciu : mentri chì parechji furmazioni pulitichi cercani sempri accordi iputetichi di prima o di sicondu ghjiru, altri sò dighjà annant'à u tarrenu. Hè u casu di Laurent Marcangeli chì multiplicheghja dipoi parechji ghjorni i riunioni di quartieru. Hè dinò u casu di François Casasoprana chì hà prisintatu stamani (marti) i pruposti cuncreti ch'ellu hà da difenda da quì à calchì sittimana. U tema priuritariu pà u candidatu di manca : un prughjettu educativu tarrituriali novu. Dopu avè custatatu u fiascu di u prughjettu di riforma di i ritimi sculari, François Casasoprana è i so cumpagni di lista ani riflittutu di manera prufonda à u prublema. Pruponini dunqua un'ufferta educativa nova, cù i pussibilità finanziari à studià pà pudè finanzialla.
Steti à senta à François Casasoprana.
