Premier forum de l'économie sociale et solidaire en Haute-Corse
(A redazzioni d'Alta Frequenza) - U primu foru di l’ecunumia suciali è sulidaria in Corsica Suprana s’hè tinutu oghji (marcuri) in Bastia, à l’iniziativa di l’ADEC. Issa forma d’ecunumia, ghirata ver di l’innuvazioni è a spartera, t’hà particularità chì ghjustificheghjani u so nomi. L’intrapresi criati nant’à issu mudellu ùn sò micca in cerca di prufittu à tutti i patti, ma piuttostu ind’una via di criazioni d’impiechi à longu andà. L’impiecati sò dinò i dicisiunarii inde iss’intrapresi quì, parchì chì ognunu t’hà una voci duranti u votu di i dicisioni chì toccani à l’avvena di l’intrapresa. Un grandi tistimoniu, com’è a dici a sprissioni, era statu invitatu da l’ADEC da assista à issu foru. Hè Thierry Jeantet, precursorsi inde issu duminiu è presidenti fundatori di i Scontri di u Mont-Blanc, chì sò à l’ingrossu l’adunita mundiali di l’ecunumia suciali è sulidaria dipoi u 2004. Ci spieca ciò chì l’hà purtatu à creda inde issu mudellu, è di chì manera quissu quì si pò adattà à a Corsica.
Écoutez Thierry Jeantet
