Situation financière et organisationnelle de la Ville d'Ajaccio : tout est à reconstruire !
(A redazzioni d'Alta Frequenza) - Cunsighju municipali d'Aiacciu : l'altra dumanda maiò chì hè stata trattata arisera (luni), dopu à quilla di i parkings, era ben intesu l'asamini di i studii rializati pà a municipalità da Marc Simeoni Consulting. U primu ducumentu hè nant'à l'urganisazioni stessa di i servizi di a cità d'Aiacciu è annant'à i cunsiquenzi finanziari di u funziunamentu attuali; u sicondu studiu hè cunsacratu di manera più specifica à l'aspettu finanziariu di i conti di a cullittività municipali. Di pettu à a calata di i mezi dati da u Statu, à i cunsiquenzi assai pessimi di l'imprestiti ditti "tossichi" è à u fattu chì i ricetti fiscali ùn muvessini micca, i finanzi di a cità, com'ellu hè u casu di a maiò parti di i cullittività, ùn sò micca troppu boni. Prublema, a gistioni di tuttu l'arnesi municipali, luntanu d'arricà l'ecunumii nicissarii in una situazioni difficiuli, hà cuntinuatu à fà crescia i spesi di funziunamentu. U studiu hè siveru pà ciò chì cuncerna tutta l'urganisazioni di l'amministrazioni municipali è infini, hè u cunsighju ch'elli dani i cunsultanti, ci voli à ricustruiscia tuttu. Metti in risaltu una "mancanza di cuerenza ind'a custituzioni di i nivelli ierarchichi, ciò chì inghjenna un funziunamentu gattivu di tutti i servizi. Ci voli à ricustruiscia tuttu è ci vularà à u minimu dui anni! Eccu ciò ch'ellu hà dittu Marc Simeoni arisera, ed hè ciò ch'ellu hà da pruvà à fà u merri d'Aiacciu.
Steti à senta à Laurent Marcangeli.
Sur le même sujet
