Accueil   L'info   L'actu   Aiacciu Cità Nova: l'identité et la culture comme socle de la refondation pour Ajaccio

Aiacciu Cità Nova: l'identité et la culture comme socle de la refondation pour Ajaccio

Publié le 27/01/2014, 08h23

(A redazzioni d'Alta Frequenza) - Aiacciu Cità Nova, a lista d’unioni naziunalista purtata da José Filippi, hà urganizatu nanzi à a dumenicata u so primu meeting. S’è a lista cumpletta ùn hè micca stata prisintata, u prugrammu sì ed hè ghjustu appuntu ssu prugrammu chì hè statu prupostu à i militanti numarosi chì erini prisenti pà a manifistazioni. Ssu ducumentu s’arremba à trè assi strategichi chì sò prisintati cù una vintina di pruposti cuncreti. Senza entra ind’u ditagliu, ci vultaremi da quì à pocu, ssu prugrammu metti in evidenza un custatu pessimu di a situazioni in Corsica, è ben intesu in Aiacciu. Perdita di i valori, delinquenza, alcoolisimu è droga, micca abbastanza alloghji, precarità, u custatu hè neru, dici u muvimentu. Aiacciu Cità Nova hà sceltu l’identità è a cultura com’è basa di a rifundazioni pà Aiacciu.

Steti à senta à José Filippi, chì porta a lista.

> Cet article en français