Corsica: Trà novu clanisimu è maffia ?
(Michaël Andreani - Alta Frequenza) - « Corse : Entre Néo-clanisme et Mafia ? » Eccu u titulu, postu tali un’intarrugazioni, di u libru di Petru Poggioli, militanti naziunalistu è anzianu rispunsevuli di u FLNC, duttori in scenzi pulitichi. Ss’opara ammenta a cullata scema ss’ultimi annati in Corsica di a criminalità è di a viulenza maffiosa ind’una sucità corsa è internaziunali chì hà cunnisciutu cambiamenti impurtanti. A viulenza maffiosa cù i so svianzi, ma ancu u latu di a viulenza pulitica chì hè trattatu da l’autori, cù dinò a riprissioni di u Statu francesi contr’à i naziunalisti, chì Petru Poggioli dinunzia cù forza di sicuru. Un libru chì voli lampà i basi di una riflessioni ind’a sucità sana pà pruvà ad arrigulà ssi prublemi di viulenza maffiosa, grazia à una presa di cuscenza tremenda è à azzioni di pedagugia à tutti i nivelli.
Steti à senta à Petru Poggioli.
