Démocratie participative à Bastia : l'opposition reste prudente
(A redazzioni d'Alta Frequenza) - Fà chì l'abitanti s'impignessini inde l'inghjochi pulitichi di a so cità, eccu ciò ch'ellu hà da essa u scopu di a cartula di demucrazia participativa aduttata calchì ghjornu fà in cunsighju municipali in Bastia, ancu s'è l'uppusizioni ùn hà micca vulsutu vutà. Di fattu, parechji cumitati di quartieru currispundendu à settori bè pricisi sarani criati, è ognunu trattarà prublematichi chì toccani i so lochi, cù tutti i sughjetti; l'abitanti pudarani sprimà in libartà i so dumandi o i so idei. L'istanzi d'ogni cumitatu di quartieru sarani custituiti d'abitanti, di membri di u mezu assuciativu è di quillu socioecunomicu; a so cumpusizioni hè rializata à l'azardu à mezu à i vulintari. S'è annant'à u fondu, l'idea ùn dispiaci micca à l'uppusizioni, quissa quì ferma sempri ind'u dubbitu pà ciò chì tocca a manera d'uparà è aspetta di veda comu si passarani i primi cumitati di quartieru.
Steti à senta à Francis Riolacci.
Sur le même sujet
