Football (Ligue 2) - Le drapeau corse interdit sur la pelouse de Timizzolu par la LFP
(A redazzioni d'Alta Frequenza) - In una cumunicazioni ufficiali, u presidenti di l'AC Aiacciu annunzia, à calchì minuta di u principiu di u scontru di Liga 2 trà l'ACA è Valenciennes chì u dilegatu di a partita hà fattu sapè à u club "ch'ellu saria difesu di ghjunghjua annant'à u tarrenu s'è i zitelli chì accumpagnani i ghjucadori t'aviani una bandera in manu", in rifarenza à u mumentu di l'intrata di i 22 attori annant'à u tarrenu. "Ùn accittaremi micca st'affari ! Sappiati chì à u Haver par asempiu ad ogni scontru, a bandera righjunali hè prisenti à ssu mumentu quì, è t'avemi l'imaghjini", cuntinueghja Alanu Orsoni. "Di tutti i maneri, nisun autorità à u mondu ci farà accittà di rinuncià à a nostra identità è què ch'ella piacissi o micca, stasera purtaremi a bandera in Timizzolu!" "Forza Aiacciu, Forza Corsica", compii Alanu Orsoni.
