L'ottu di maghju, anniversariu di a battaglia di Ponte Novu
(Michaël Andreani - Alta Frequenza) - Dumani (ghjovi), l'8 di maghju, sarà l'anniversariu di a battaglia di Ponte Novu di u 1769. Un ghjornu chì hà vistu l'armata di u ghjinirali di a nazioni corsa Pasquale Paoli cascà contr'à quilla francesi di u rè Lavighju XV, traduzzioni militari di a presa di l'isula da a Francia dipoi 245 anni oramai. Una data impurtanti cumemurata grazia à parechji celebrazioni, pà chì nimu si scurdessi di ssa paghjina di a storia di a Corsica. L’associu U Ricordu di Ponte Novu, criatu in l’anni 1970 è riattivatu solu à u principiu di l’annu 2014 hà privistu tuttu un prugramma pà l’uccasioni.
Stemi à senta à Lionel Luciani, chì faci parti di l’associu.
