SNCM : Michel Stefani demande au gouvernement de stopper la procédure collective en cours
(A redazzioni d'Alta Frequenza) - Ci sò punti chì poni fà nascia l'accordu ma dinò u disaccordu! Eccu com'è no pudariami riassuma a participazioni di u gruppu Communistes et Citoyens du Front de Gauche di l'Assemblea di Corsica in a maghjurità attuali. S'è u cartulari di u novu Padduc pò essa virsatu ind'a prima categuria, altri, com'è quillu di a SNCM, cuntinueghjani à mantena un disaccordu prufondu trà u gruppu di u presidenti di l'Assemblea di Corsica è a maghjurità di u presidenti di l'Esecutivu. Mentri chì l'uffiziu di i trasporti si primurava, cù a CMN, di i cunsiquenzi d'una greva nova pussibuli di a SNCM, altri manifistavani l'altri ghjorni in Marseghja davanti u tribunali di cummerciu. Dominique Bucchini è Michel Stefani, in fatti, dumandani sempri cù forza à u guvernu di fà piantà subbitu a prucedura cullittiva in corsu; d'appressu à elli, ci voli à stabilizà u capitali di l'intrapresa è rilancià infini un veru prughjettu industriali pà a SNCM.
Steti à senta à Michel Stefani, chì cunnosci strabè ssu cartulari.
Sur le même sujet
