Stati generali di l'alimentazioni : i rivindicazioni di l'agricultori corsi
(Maria Lanfranchi - Alta Frequenza) - I stati generali di l'alimentazioni in Corsica sò stati urganizati ssu marcuri in Aiacciu. Ssu cantieru maiò, lanciatu da u Presidenti di a Republica di lugliu scorsu, t'hà un scopu doppiu : parmetta à l'agricultori di campà d'una manera degna eppo parmetta à i cunsumatori d'avè accessu à un'alimentazioni sana è durevuli. In Corsica, ssu gennaru d'affari tocca a cumpitenza di a CTC à traversu l'ODARC; eppuru, a riunioni di marcuri era sottu à u cuntrollu di u Statu, è a Cullittività Tarrituriali ùn saria micca stata cuncirtata, frà altru pà a scelta di i tematichi è di l'attelli. Par avà, mentri chì i direttivi chì sarani ritinuti sarani finanziati da ssa listessa CTC, u mistieru stima chì l'istanza tarrituriali devi ritruvà a so piazza ind'i dibattiti futuri. Pà ciò chì tocca i tematichi, una di i principali chì hè stata ritinuta da a camara d'agricultura hè quilla di pruducia è di magnà sanu. Una manera di veda u dibattitu chì trapassa i labels tradiziunali è chì hà da metta torna a Corsica in avanti in u duminiu.
Steti à senta à Joseph Colombani, u presidenti di a Camara regiunali d'Agricultura di Corsica.
Sur le même sujet
