U 6 di ghjunghju di u 1808, i dipurtati di u Fium'Orbu...
(Michaël Andreani - Alta Frequenza) - In u 1808, sò 39 anni chì a Nazioni Corsa hè cascata contr’à l’armata francesi è chì u paesi hà persu a so indipendenza. Un’annata chì sarà stampata da un ricordu micca cunnisciutu da tutti i Corsi, è ancu piattu certi volti. U 6 di ghjunghju, dopu à un ordini di u Generali Morand, guasgi 200 omi da 15 à 80 anni erani arristati in a ghjesgia di l’Isulacciu di Fium’Orbu, eppo dipurtati in i prighjoni francesi, soprattuttu in Embrun, induv’elli sò tutti morti. Annant’à tutti ssi vittimi, solu 38 sò stati ghjudicati è 9 sò stati fucilati in Bastia. Ssu sabbatu, in L’Isulacciu di Fium’Orbu, l’Associu Mimoria urganizeghja à partasi di 3 ori una ghjurnata cù puesii, cunfarenza, filmu, o ancu una messa da fà chì ssa verità sighi sappiuta da tutti è caccià un certu sintimu falsu.
Steti à senta à Ghjuvan Francescu Vinciguerra, pà l’Associu Mimoria.
Sur le même sujet
