Vote des nouvelle OSP pour le maritime: la réaction de Camille de Rocca Serra
(A redazzioni d'Alta Frequenza) - L'Assemblea di Corsica hà aduttatu duranti u dopu meziornu stu vennari i novi ubligazioni di serviziu publicu chì gistisciarani dunqua u trasportu marittimu nant'à i porti corsi à partasi di i porti di Tulò è di Nizza. Ssu dibattitu, rammintemu la, hè vultatu inde l'attualirà dopu à l'annulazioni da u tribunali amministraitvu di l'OSP scorsi chì erani stati ghjudicati troppu "prutettrici" di pettu à a SNCM è què rammintemu la dinò dopu à un ricorsu intruduttu da Corsica Ferries. I novi ubligazioni pighjani dunqua in cunsiderazioni i mutivi d'annulazioni di quilli scorsi, è par asempiu pà ciò chì cuncerna u regimi di tarificazioni chì s'appieca à i passaghjeri chì ùn sò micca residenti è pà u trasportu di marcanzii dittu "roulant". Era u puntu essenziali di i dumandi aurupei, parchì u fattu d'impona un pezzu à ùn trapassà micca à i cumpagnii chì ùn sò micca dilegatarii di u serviziu publicu era statu ghjudicatu com'è cuntrariu à i reguli di u mumentu in Auropa. Pudemi dì dunqua chì l'assemblea di Corsica hè stata ubligata è furzata à piecà si à l'ordini furmali aurupei; un'ubligazioni chì l'esecutivu di Corsica hà assumatu di manera piena. I novi OSP sò stati aduttati dunqua cù una maghjurità propiu magra. In fatti, ci hè vulsutu à caccià voti da a maghjurità, quilli di u gruppu cumunistu. Tutti l'altri gruppi ùn ani micca vulsutu prununzià si, u votu hè statu acquistatu malgradu tuttu di manera assai faciuli. Pà Camille de Rocca Serra, si pighja torna una volta un risicu cù ssu votu d'inghjinnà l'effetti negativi chì sò dighjà stati cunnisciuti è chì si rinnuvariani.
Steti à senta à Camille de Rocca Serra.
Sur le même sujet
