5 mai 1992-2012 : Jean-Pierre Louvel a changé d'avis
(A redazzioni d'Alta Frequenza) - Issu marcuri, u cullettivu di i famighji di vittimi di a catastrofa di Furiani di u 5 di maghju di u 1992 scuntrava u presidenti di l'Unioni di i Squadri Prufessiunali di Ballò, Jean-Pierre Louvel, dinò presidenti di Le Havre. È inveci chì nanzi à issa riunioni, iss'ultimu ùn era micca d'accunsentu cù a pruposta di ùn ghjucà più un 5 di maghju in Francia, u so parè hè cambiatu. In fatti, dopu ad avè difesu a so idea, quilla di una minuta di silenziu nant'à tutti i stadii u 5 di maghju chì veni in Lega 1 è Lega 2, hà ascultatu l'argumenti di u cullettivu. Argumenti chì parini bastà à fà lu cambià d'avè, postu chì ùn hà micca firmatu a petizioni chì hà raccoltu più di 35 000 firmaturi, ma s'hè ingaghjatu à difenda issa causa davanti à l'istanzi di u ballò francesi. Vali à dì dunqua chì oramai, ùn ci hè più cà u presidenti di a LFP, Frédéric Thiriez, à ùn batta micca à prò di iss'iniziativa quì. Ci vultaremi di modu più largu ind'i nostri edizioni di dumani.
Sur le même sujet
