A Droga Fora à l'Assemblée de Corse
(A redazzioni d'Alta Frequenza) - Ùn ci semi ancu ! Hè ciò ch'ellu dici u cullettivu A Droga Fora, chì hà manifistatu issu dopu meziornu (vennari) davanti à l'Assemblea di Corsica. U cullettivu, chì s'hè intrattinutu cù a cumissioni "viulenza" di l'Assemblea di Corsica, stima chì u dannu di a droga ùn hè micca statu valutatu com'ellu ci vulia da issa cumissioni. Si tratta, pà ellu, di un prublema cintrali chì inghjenna in Corsica una svianza criminali, una sfracichera suciali è culturali. È l'affari hè ancu più veru chì issu fenomenu hè divintatu oghji un tema di campagna eletturali.
Écoutez, Denis Luciani, pour le collectif.
