ADPEP 2A: toujours des remous en interne
(A redazzioni d'Alta Frequenza) - L'associu dipartimintali dittu di i "pupilles" di l'insignamentu publicu, più cunnisciutu com'è l'ADPEP, cunnosci sempri prublemi ind'a so struttura. U disaccordu prufondu custatatu è cunfirmatu da un protocollu d'accordu di maghju scorsu, è chì hà fattu compia una longa greva di i parsunali, ùn saria micca statu rispittatu. Prigata d'andà si ni par via ch'ella ùn s'intindia mancu appena cù tutta a so squadra, a direttrici era da tandu in arrestu di travaghju, o piuttostu in accidenti di travaghju. Quissu quì essendu si compiu, s'hè prisintata stamani (luni) accumpagnata da un usceru di ghjustizia pà fà custatà a so ripresa di u travaghju. I listessi causi inghjinnendu i listessi effetti, hè un cumitatu d'accolta assai in zerga chì l'hà dumandatu torna d'andà si ni.
Steti à senta à Martine Ollier, presidenti di l'associu.
