Affaire Caïtucoli : ça se corse
(A redazzioni d'Alta Frequenza) - U STC, « Force Ouvrière », a CFTC è « Sud », ani datu oghji una cunfarenza di stampa nantu à un prublema suciali ch’ùn pianta di sgradà si à longu à i ghjorna. Ciò chì ci voli à chjamà oramai l’affari Paul Jo Caïtucoli, u terzu salariatu di l’anzianu CREPAC chì avaria divutu essa intergratu à l’Uffiziu di u Sviluppu Agriculu di a Corsica ùn ne finisci più di petrificà i spiriti in u mondu agriculu. Senza vulè entra in un cartulari di fattu cumplessu assai, si pò dì di modu simplici chì l’anzianu direttori di u CREPAC, chì avaria divutu raghjunghja l’effettivi di l’Uffiziu cum’è i so dui altri culleghi, ùn l’hà ancu integratu. Eppuru era statu iscrittu u postu à i conti previsti pà quist’annu mà par avà, solu dui posti sò stati criati in CDD, è Paul Jo Caïtucoli ferma par avà nantu à scalonu di l’uffiziu. I sindicati pensani trà iddi à modu paru chì ghjè a parsunalità stessa di l’intarissatu chì disturba.
Jean Brignole, pà l’intersindicali STC, FO, CFTC è « Sud ».
Sur le même sujet
