Affaire de Rovani et occupation de la SAFER : vers une évolution positive des choses
(A redazzioni d'Alta Frequenza) - Affari di Rovani è accupazioni di a SAFER da un gruppu di u listessu nomi, seguita. Rammintemi chì stamani (marcuri) un cullettivu hà accupatu i lucali di a Sucità d’Accunciamentu Fundariu in Aiacciu pà dinunzià « l’inghjustizia » fatta à un agricultori oghji minacciatu di spulsioni, Jean Michel Seni. Un affari chì ricolla à u 2007, è i sustegni di Jean Michel Seni stimani chì a SAFER hà utilizatu nisun di i so pussibulità è di i so vantaghji, è hà lacatu "passà a vendita à prò di un acquistadori di più di 60 anni è avendu nisun raportu cù l'agricultura". Dopu à iss’accupazioni è à issa dumanda di spiecazioni da u cullettivu di Rovani, una riunioni s’hè tinuta issu dopu meziornu. Avia adunitu, aldilà di quilli chì accupavani issi lochi, u direttori è u presidenti di a SAFER, di modu respettivu Antoine Vallecalle è Christian Orsucci, ma dinò Stéphane Paquet, Presidenti di u sindicatu AOC charcuterie Corse, Pierre Toussaint Gaffory pà u CDJA di Corsica Suttana è Jean Dominique Musso, Presidenti di a camara d’agricultura di Corsica Suttana. Un intrattenu « da incuragiscia assai » sicondu u cullettivu, ind’u sensu chì a SAFER si saria ingaghjata à metta tutti i mezi ghjurichi, finanziarii è agriculi pà sgaghjà una suluzioni à prò di l’agricultori. Una voghja di truvà una suluzioni cunfirmata da u Presidenti di a Sucità d’Accunciamentu. Iss’ultimu chì temi inveci chì issa situazioni di u mondu agriculu divintessi « un affari d’ogni ghjornu » di pettu frà altru à a futura riforma di l’arresti Miot.
On écoute Christian Orsucci.
Sur le même sujet
