Affaire des drapeaux corses : le SC Bastia a bravé à son tour l'interdiction de la LFP
(A redazzioni d'Alta Frequenza) - Com'è l'AC Aiacciu arisera (vennari) in Timizzolu contr'à Valenciennes, u SC Bastia ùn hà micca rispittatu l'interdizzioni di fà sventulà i banderi duranti l'intrata prutucullaria di i squadri annant'à u tarrenu. Com'è a vigilia, zitelli tinendu in manu banderi corsi sò intruti annant'à u tarrenu à fiancu à i ghjucadori. Duvaria forsa essa nutatu ind'u raportu di i dilegati à a fin di u scontru, com'ellu hè statu u casu pà l'AC Aiacciu. I club risicani un'amenda di 7 000 auri par avè trapassatu ss'interdizzioni. U presidenti di a Liga Francesi di Ballò, Frédéric Thiriez, hà spiegatu dopu meziornu in un cumunicatu chì tutti i banderi erani accittati ind'i stadii, ma micca duranti l'intrata prutucullaria di i squadri annant'à u tarrenu. Ùn emi micca compiu di parlà di ss'affari quì dunqua...
Sur le même sujet
