Le Direct

Ajaccio: les cuves de gaz du Loreto vont enfin disparaître

(A redazzioni d'Alta Frequenza) - Un protocollu d'accordu liendu u Statu, GDF Suez è a Cità d'Aiacciu è cuncirnendu u centru di gaz di Loretu hè statu firmatu à a fin di a settimana scorsa. Dopu à u ruminzulaghju di Sant'Antone - chì ci voli à arragnà oramai - i famosi sferi di Loretu - dopu avè fattu assai parlà d'elli duranti anni è anni - ani da spariscia infini. Ind'u quadru di l'elaburazioni di un novu pianu di privenzioni di i risichi tennulogichi - un PPRT ind'u lessicu amministrativu - i sferi giganti di gaz s'ani da trasfurmà ind'una spezia di sigari chì sarani pà a maiò parti sottu tarra. A canalisazioni di gaz chì ghjova à u situ di i Salini è chì avia inghjinnatu parechji inchietudini tanti anni fà, sarà rinnuvata di modu sanu. Fora di l'aspettu visuali, impurtant malgradu tuttu, ci sarà di più securità è dunqua una riduzzioni cunsiquenti di u famosu perimetru "SEVESO". Ssa riduzzioni di a zona di prutezzioni parmittarà d'apra à l'urbanisazioni à pocu pressu 300 ettari chì ùn poni micca essa utilizati par avà è di lancià infini in più di què u pezzu di a rocade dittu Alata-Vittulu. Ma ùn si lancia micca in travaghji simuli cusì fini à u nivellu tennologicu senza l'ochju più cà attenti di u Statu. Comu?

Hè ciò ch'emi dumandatu à Christophe Mirmand, u prifettu di Corsica.