Alimentation des centrales électriques de Corse : les précisions de Sauveur Gandolfi-Scheit
(A redazzioni d'Alta Frequenza) - Sauveur Gandolfi-Scheit, via un cumunicatu, volta nant'à l'annunziu fattu a settimana scorsa nant'à l'alimentazioni di i cintrali elettrichi di Corsica. EDF-PEI, dici u cumunicatu, hà postu luni da mani una nova dumanda di sfruttera di a cintrali di Lucciana, pighjendu in contu u cambiamentu di cumbustibuli. A prucedura iniziata da l'auturità prifetturali durarà 18 mesi è li ci sarà aghjustatu un novu arrestu prifetturali chì cacciarà dunqua l'arrestu attuali auturizendu u principiu di funziunamentu di Lucciana à u fuel pisivu. Sauveur Gandolfi-Scheit priciseghja dinò chì u famosu costu in più inghinnatu da a cunsumazioni di fuel lighjeru è micca fuel pisivu sarà di 30 millioni d'auri à l'annu à pocu pressu. Pà u periudu di transizioni 2013-2018, vali à dì aspittendu a ghjunta di u gaz, u costu sarà di 150 millioni d'auri è micca 500 millioni com'è annunziati prima.
Sur le même sujet
