Assassinat de Penta Acquatella : un homme activement recherché retrouvé mort
(A redazzioni d'Alta Frequenza) - Avenimentu novu inde l'affari di l'assassiniu di Penta Acquatella (Corsica Suprana), ghjovi scorsu. Rammintemi chì Antoine Santucci era statu tombu, è un vicinu feritu di modu gravi. L'omu, assai ricircatu da i servizii inchiestadori è cunsidaratu com'è un elementu chjavi di a scena, hè statu ritrovu mortu in fini di matinata (luni). Sò i gendarmi di u cantonu chì ani scupartu u cadavaru di a vittima. Sicondu à i primi elementi racolti, iss'ultima si saria data a morti cù un fucili di caccia. A tesi di u suicidiu hè dunqua avanzata più cà mai. Micca elementi in più par avà, pà ciò chì cuncerna u ghjornu è l'ora di a morti. L'investigazioni cuntinueghjani, da sapè frà altru s'è iss'ultima vittima era u tiradori.
Sur le même sujet
