Assemblée de Corse : pour une TVA qui profite aux consommateurs
(A redazzioni d'Alta Frequenza) - Nova sissioni pà l'Assemblea di Corsica oghji è dumani. Nanzi à l'asamini di parechji raporti, quilli nant'à u serviziu aereu di Parighji, nant'à a sinemateca di Corsica o nant'à una nova fasa di u PEI, cunsighjeri esecutivi è tarrituriali si sò ritrovi stamani (ghjovi) pà i tradiziunali quistioni urali. À l'ora duva si parla assai di regimi fiscali dirugatoriu, Michel Stefani hà postu una dumanda nant'à u disimpiecu è a precarità in Corsica. Aldilà di i suppressioni di posti ind'a funzioni publica è di un numaru di ghjenti à dumandà un impiecu in crescita, l'elettu di u front de gauche hà vulsutu alertà soprattuttu l'esecutivu nant'à a vita chì hè cara, chì aghjunghji una difficultà in più. U puntu à tuccà, u dispusitivu di rimissa in piazza di a TVA. Pà Michel Stefani "hè ora di fà la finita cù u prublema di a rimissa in piazza di a TVA da fà chì issu dispusitivu fiscali andissi à prò di i cunsumatori è micca di i distributori è altri cumirciali à mezu". Jean Zuccarelli, u presidenti di l'ADEC, hè vultatu nant'à i dispusitivi ecunomichi ingaghjati da a so maghjurità. Nant'à a quistioni più pricisa di a TVA, hà prupostu a criazioni di un cumitatu di seguitu.
On écoute Jean zuccarelli.
