Avec 347 597 habitants en 2021 selon l'INSEE, l'essor démographique de la Corse continue, de nouveau en raison des apports de population extérieure à l'île
In u 2021, à senta ni à l’INSEE, erani 347 597 l’abitanti di Corsica. Com’è ad ugni annu, a noscia isula hè quidda chì si teni a prugrissioni dimugrafica a più alta, cù in media 1 % di pupulazioni in più à l’annu.
L’urigina d’issa prugrissioni ùn cambia, cù una bedda parti di a pupulazioni chì veni da fora à stallà si in Corsica. D’altrondi, sò più impurtanti i ghjunti chè i partenzi da a Corsica versu u fora.
U saldu naturali hè nigativu di 0,1 % trà u 2015 è u 2021. U saldu migratoriu, inveci, à 1,1 %, hè u più altu di francia.
Più pricisamenti, i circonda di u Borgu, di Purtichju, di Calvi, d’Aiacciu è di San’Fiurenzu si godini una crescita dimugrafica più alta chè a media corsa pà u stessu periudu, chì ni ghjunghji à 1,5 % pà u Borgu.
Cù una crescita à 0,2 %, i circonda di Corti è Portivechju sò i menu dinamichi di Corsica.
I circonda di Purtichju ni sò à i punti stremi, cù un saldu naturali chì cala di 0,5 % pà u stessu periudu, quandì a ghjunta di i pupulazioni di fora cresci di 1,9 %.
