Camille de Rocca Serra veut passer des intentions aux actes à droite
(A redazzioni d'Alta Frequenza) - Les Républicains t’ani oramai a so permanenza in Aiacciu. Laurent Wauquiez, u secretariu generali di u muvimentu, hè ghjuntu à inauguralla in fin di sittimana scorsa. L’uccasioni ben intesu d’amintà a situazioni di a diritta suttanaccia. Situazioni à u Dipartimentu di Corsica Suttana prima è dunqua dopu analisi di nanzi à Tarrituriali. Pà a prima prublematica, pari chì sicondu u Presidenti attuali di l’istituzioni è di quillu di a Federazioni di i Republicains di u Pumonti, l’affari s’appaciarani. Ci saria ancu statu un scontru pocu fà in Sartè è avaria parmessu di chjarificà i cosi. Tuttu què in’una perspettiva di vittoria è di dinamica ritrova pà i futuri tarrituriali. Pà contu soiu, Camille de Rocca Serra s’hè dittu cuntentu dinò ellu di ssu principiu di dialogu. Eppuru, d’appressu à ellu, tuttu ùn hè micca arrigulatu. Ci vularà torna u tempu pà nurmalizà tuttu è sguassà i cicatrici di u passatu, ancu s’ellu s’hè avanzatu pà daveru. Hè vera, a diritta devi vincia è tuttu devi essa missu in opara pà ghjunghja à ssu scopu, ma c’hè sempri a strada à fà. Pà Camille de Rocca Serra, ci voli à passà da l’intenzioni à l’atti.
U stemi à senta.
Sur le même sujet
