Centre d'Art Polyphonique de Sartène : Femu A Corsica tire à nouveau la sonnette d'alarme
(A redazzioni d'Alta Frequenza) - Duranti l'ultima sissioni di l'Assemblea di Corsica, u gruppu Femu A Corsica hà dicisu di fà cunnoscia torna una volta a situazioni pessima di u Centru d'Arti Polifonicu di Sartè. In fatti issu centru, di u quali i travaghji sò stati compii in u 2008 pà essa inauguratu in fin d'annata scorsa, hè sempri sarratu pà parechji raghjoni. Malgradu una ripresa in manu di u cartulari da a CTC è a pruposta di un modu di gistioni pudendu andà ver di un Stabilimentu Publicu di Cuuperazioni Culturali, u cunsighju d'urientazioni, nicissariu da difiniscia u prughjettu culturali è artisticu di issu centru, ùn hè ancu statu veradimenti custituitu, a merria di Sartè ùn avendu ancu sceltu u so membri frà altru. Pà Saveriu Luciani, saria più cà ora chì l'affari andessi ind'u bon sensu, da fà chì iss'arnesi, chì devi ripona nant'à un prughjettu cumunu à tutta a Corsica, è micca solu à a scala lucali, pudessi riescia u so scopu : salvà è sviluppà a pratica di u cantu pulifonicu nant'à l'isula.
Écoutez Xavier Luciani.
Sur le même sujet
